علاش البنت خصها تعطي الأولوية فالبحث على شريك الحياة و تستقر فبداية العشرينات ديالها

فالبداية دالعشرينات البنت كاتكون فطوب ديال القيمة ديالها فالمارشي دالعلاقات

 وكلما كاتكبر فلاج إلا والقيمة ديالها كاتنقص

هادشي ماشي أنا لي كانقولو لكن الداتا هي لي كاتهضر

هادا واحد الدياغرام لي كايبين العمر المثالي لي كايفضلوه الرجال فاش يبغيو يدخلو فعلاقة مع شي بنت

و بغض النظر على العمر ديالو ,,واش عندو 30 40 50 عام ..ماشي مهم ..

العمر المثالي ديال البنت بالنسبة لأغلب الرجال  كايتراوح بين 20 23 عام

هاد الإحصائيات خداوهوم من أبليكاسيون ديال التعارف بحال تيندر

 و المميز فهاد النوع ديال الداتا و لي كاتكون أقرب للدقة …هو العدد ديال الرجال لي خداو المعلومات ديالهوم و لي يقدر بالآلاف 

و ثاني حاجة ماعتامدوش على شنو كايقولو الرجال لكن كيفاش كايتصرفو و شنوهما الإختيارات لي كاياخدو فاش كايكونو غير بينهم و بين راسهوم 

يعني مامحتاجينش يزوقو الهضرة باش يبقاو سوشلي و بوليتيكلي كوريكت

داكشي لي بغاو ديال بصح هو لي كايبان فهاد دياغرام

يعني إلى قلتي لراجل ختار بين جوج بنات كايتشابهو فكولشي ..الفرق الوحيد لي كاين هو 

وحدة عندها 22 و الأخرى 35

الجواب هو غايختار البنت لي عندها 22

بطبيعة الحال كاين فرق بين الحاجة المثالية  و شنو كانقدرو نوصلو ليه فعلا فالواقع

يعني الرجل واخا باغي بنت عنها 22 لكن ماشي بالضرورة يوصل ليها

لكن من هادشي كولو الحاجة لي خص تفهميها نتي كا بنت هي ماتأجليش البحث على شريك الحياة و الإستقرار ..كلما تعطلتي كلما الحظوظ ديالك باش تختاري الرجل لي بغيتي كاينقصو